د پاسپورټ عمومي رئیس عبدالکریم حسیب په یوه ویډیويي پیغام کې وايي، چې د پاسپورټونو د وېش بهیر به د چهارشنبې په ورځ (د جدی ۲۰مه) په پلازمېنه کې پیل شي.

د پاسپورت عمومي رئیس عبدالکریم حسیب وايي، په درېیو میاشتو کې به په کابل کې د پاسپورټونو د وېش درې مرکزونه جوړ شي.

د کورنیو چارو وزارت په یوه ټویټ کې ویلي، چې د کابل پولیسو د پلټونکو عملیاتو په ترڅ کې د کابل ښار له شپږمې ناحیې څخه د یوه سیاحتي شرکت له خوا د خلکو د خطا ایستني په موخه راټول شوي ۱۱۰ پاسپورټونه کشف او خپلو خاوندانو ته یې سپارلي دي.

په تخار او لوګر ولایتونو کې سیمه ییزې سرچینې وايي، هغو غوښتونکو ته چې بانکي آویزونه لري او پیسې یې بانک ته سپارلي دي، د پاسپورټ د ورکړې بهیر پیل شوی دی.

د پاسپورت رياست چارواکي وايي، د دې رياست تخنيکي ټيمونه هڅه کوي، څو ستونزې هوارې کړي او د پاسپورټونو د وېش بهير به تر هغه وخته پورې ودرول شي، چې يادې ستونزې حل شوې نه وي.

د کورنیو چارو وزارت د اعلامیې له مخې، د پاسپورټونو د چاپ او وېش بهیر به نن (شنبه، میزان ۱۶) ودرول شي او تر اوسه د دې چاپ موده نه ده ټاکل شوې. وزارت د پاسپورټ له غوښتونکو څخه غوښتي چې تر راتلونکي اعلان پورې چې د وزارت او د پاسپورتونو عمومي ریاست د خبرونو ویبپاڼو له لارې خپریږي د پاسپورتونو عمومي ریاست ته ور نه شي.

د پاسپورتونو عمومي ریاست په یوه ټویټ کې اعلان وکړ چې د پاسپورټونو د چاپ او ویش ظرفیت هره ورځ ۴۰۰۰ کتابچو ته لوړ شوی دی.

د اسلامي امارت د پاسپورټ عمومي ریاست وايي چې اوس مهال د دغه ریاست له خوا په مرکز او ولایتونو کې هره ورځ ۴ زره پاسپورټونه پر غوښتونکو ویشل کیږي.