د پاکستان حکومت له نړیوالې ټولنې غوښتي چې په وروستیو سېلابونو کې د دغه هېواد له خلکو سره نورې مرستې هم وکړي.

له وروستيو سیلابونو څخه ۳۸ کسان د سویلي صوبې سیند څخه راپور شوي، چې په تېرو ۴۸ ساعتونو کې یې سېلابونو د مرکزي ولسوالیو ډېرې ځمکې لاندې کړي، چې زیانونه یې له نورو صوبو ډېر دي. د یو شمېر رسنیو د څرګندونو له مخې د جون له نیمایي څخه تر دې دمه یې د مړینو شمېر ۵۰۲ ته رسیږي.

د پاکستان ګمرک وايي، په تېرو دوو ورځو کې یې له افغانستان او ایران څخه د چمن او تفتان له لارې ۵۰ لارۍ پیاز او رومي وارد کړي دي. دغه کار په کورنیو بازارونو کې د دغو دوو محصولاتو د بیې د لوړېدو لامل شوی دی.