د ملګرو ملتونو د سرمنشي ځانګړي استازي د افغانستان د پوهنې له سرپرست مولوي حبیب الله آغا سره په کتنه کې وویل چې نړیواله ټولنه به له دغه هېواد سره د پوهنې په برخه کې خپلو غیر مشروط مرستو ته دوام ورکړي.

سلیمان د غلام جیلاني زوی د هرات ولایت د سلطان غیاث الدین غوري لېسې څخه د ۳۵۵ څخه د زیاتو نمرو په ترلاسه کولو سره د هیواد په کچه د لومړي ځل لپاره د کانکور په ازموینه کې بریالی اعلان شو. سلیمان وایي چې خدای د انسان هڅې نه ضایع کوي.

د کندز سیمه ییزو چارواکو دغه ولایت ته د پوهنې وزارت د دعوت او ارشاد رئیس د سفر خبر ورکړی دی. نوموړي د دغه سفر په ترڅ کې ټینګار وکړ چې د اسلامي امارت د رهبرۍ د حکم له مخې باید ټول ملکي مامورین د دیني زده کړو په کورسونو کې ګډون وکړي.