په کابل کې د سولې د مشورتي لویې جرګې مشر عبدالرب رسول سیاف وایي، تر هغو چې د دې جرګې ټول غړي پرې سلا شوي نهوي د دې جرګې وروستۍ اعلامیه به خپره نهکړي.
ښاغلي سیاف دغه څرګندونې نن د دې جرګې د پیل په څلورمه ورځ د کاري کمېټو غړیو ته وکړې:
"موږ د ځان څخه کومه حنجره نهلرو، نن دا زموږ حنجره هم تاسو ته تسلیم ده. دا زموږ حنجره به ستاستو لپاره یو لوډ سپیکر وي. له ځانه موږ هېڅ شی د دې جرګې نه بیرون نه باسو."
هغه یو وار بیا ټینګار وکړ چې دا جرګه د هېڅچا په پلوي کمپاین نهکوي، بلکې یوازې د سولې هدف تعقیبوي.
دا جرګه اجرائیه رئیس عبدالله عبدالله، پخواني ولسمشر حامد کرزي او د ولسمشرۍ د راتلونکو ټاکنو دولس نوماندانو تحریم کړې ده.
طالبانو هم دا جرګه توطئه بللې ده.
سرچينه : د صدای افغان خبری آژانس(آوا)