د افغانستان ولسمشر محمد اشرف غني د کابل ښار د ودونو په یوه تالار کې د تېرې شپې خونړي برید په غبرګون کې په ټینګار سره ویلي چې د هېواد امنیتي او دفاعي ځواکونه به له جنایت کاره تروریستانو څخه د بې ګناه وګړو د هر څاڅکې وینې غچ واخلي او د دې پیښې د عامیلینو د ځپلو او موندلو لپاره به ټولو امکانات په کار واچوي.
دخپریدو نیټه :يکشنبه ۲۷ اسد ۱۳۹۸ ساعت ۱۷:۳۶
د مطلب کود : 190198
د ارګ له لوري په خپره شوې خبر پاڼه کې ویل شوي:”طالبان د ودونو په تالار کې د تېرې شپې خونړي برید په غندنې سره، ځانته برائت نشي ورکولی، ځکه هغوي پخپله د ترهګرو د فعالیت لپاره زمینه برابره کړې ده”.
ولسمشر غني اړونده مسولینو ته جدي لارښوونه کړې چې د دې غمجنې او خونړۍ پیښې په اړه هر اړخیزې پلټڼې ترسره، او د دې ترڅنګ دې د پیښې ټپیانو او د قربانیانو کورنیو ته پوره پاملرنه وکړي.
ولسمشر غني دغه برید غندلی د قربانیانو له کورنیو سره یې د همدردۍ، غمشریکۍ او خواشینۍ مراتب وړاندې کړي دي.
د دغې اعلامیې په یوه برخه کې ویل شوي چې نړیواله ټولنه باید د دغسې وحشیانه او بشر ضد اعمالو پر وړاندې چوپتیا غوره نه کړي.
avapress.com/vdcdnz0fjyt0nf6.lb2y.html
ټګونه
ډیری لیدل شوي
مربوطه لیکنې
[۲۷ اسد ۱۳۹۸] 
[۲۱ عقرب ۱۳۹۷] 
[۲۸ عقرب ۱۳۹۸] 
[۲۸ اسد ۱۳۹۸] 
[۲۰ ثور ۱۳۹۷] 
