د امریکا قضایي کمېټې د ټرمپ ضد تورونه تايید کړل

په دغو تورونو کې د سیاسي گټو لپاره له واک نه ناوړه ګټه اخیستنه او د اوکراین د قضیې په اړه د کانگرس د پلټنو په وړاندې د خنډونو رامنځ ته کول شامل دي.
په قضایي کمېټه کې ددغو تورونو تایید چې اکثریت غړي یې دموکراتان دي، تر ډېره حده د ټرمپ د استیضاح لپاره لاره پرانیزي.
خو بیا هم ټاکل سوې چې د جمهوري غوښتونکو په گډون د کانگرس غړي راتلونکې اونۍ د ټرمپ د استیضاح په اړه رایې ورکړي.
ټرمپ او د کانگرس جمهوري غوښتونکو غړو تر اوسه د دموکراتانو له لوري لگول سوي تورونه رد کړي دي او هغه یې د سیاسي انگېزې له مخې لګول سوي تورونه گڼلې دي.