په مزارشریف کې د جنډې ښکته کېدو مراسم

د بلخ اطلاعاتو او فرهنګ اداره وايي کورونا وېروس نه یواځې په مزارشریف ښار کې د لرغوني نوروز دودیز رسمونه له ستونزو سره مخ کړل، بلکې د مېلمستیا، غم او ښادۍ په مراسمو کې یې هم تغییرات راوستل چې له دې وړاندې یې د افغانستان په شمال کې ځانګړی ځای درلود.
په مزارشریف کې د نوروز وروستی دود د روضې د متولیانو له لوري د جنډې په ښکته کېدو پای ته ورسېد. دغه مراسم هم د جنډې د پورته کېدو په څېر د روضې د بندو دروازو او د شپې له مخې ترسره شول.
د روضې رئیس عتیق الله انصاري وايي، هیله یې درلوده چې د کورنا وېروس ګواښ د نوي کال په لومړۍ اونۍ کې پای ومومي او د جنډې د ښکته کېدو مراسم په ښه ډول ترسره کړي؛ خو داسې ونه شول:
"دغه مراسم په تېرو پېړیو او کلونو کې په عزت او احترام ترسره کېدل سږ کال هم تر سره شول؛ خو بي له رسمیاتو".