د جنسي ځورونې تور ثابتېدلو سره د پاکستان یو ډیپلوماټ له دندې ګوښه شو

د پاکستان د بهرنیو چارو وزارت د اوکراین پلازمېنه کیف کې پر خپل یوه لوړپوړی ډيپلوماټ وقار احمد د جنسي ځورونې تور ثابتېدو سره نوموړی سملاسي له دندې ګوښه کړ. د بهرنیو چارو وزارت سرچینو بي بي سي ته هغه اعلامیه تایید کړې چې په خواله رسنیو کې خپره شوې او پکې پر وقار احمد لګېدلي تورونه او د هغه د لرې کولو حکم لیکل شوی دی.