شاهین زیاتوي چې د طالبانو له خوا به د افغان حکومت د بندیانو د خلاصون لړۍ تر دې وروسته هم دوام ولري.
دا په داسې حال کې ده چې د امریکا او طالبانو تر منځ د شوې هوکړې پر اساس به افغان حکومت د طالبانو ۵۰۰۰ زره بندیان، خو طالبانو به د حکومت ۱۰۰۰ تنه بندیان ازادوي.
تر اوسه طالبانو د افغان حکومت شاخوا ۵۰۰ بندیان ازاد کړي، خو افغان حکومت بیا د بګرام، پلچرخي او د ولایتونو له زندانونو څخه د درې زره طالب بندیانو د خوشي کېدو لړۍ پوره کړې ده.
حکومت وایي، دوی د طالب بندیانو خوشي کېدو ته دوام ورکوي، خو ټینګار کوي چې طالبان باید بشپړ اوربند وکړي او تاوتریخوالی کم کړي، څو د دواړو لورو تر منځ د بین الافغاني خبرو د پیل لپاره د باور زمینه رامنځته شي.