د بښنې نړيوال سازمان وايي، د افغانانو په ګډون د نړۍ شاوخوا ۱۶۸ مېليونه وګړي د کرونا تر څپې وروسته بشري مرستو ته اړ دي.
کرونا وايروس د افغانستان په ګډون د نړۍ ګڼ بېوزله هېوادونه سخت وځپل او حکومتونه يې ونه توانېدل په دغسې يو ناورين کې خلکو ته مرستې ورسوي، خو پرمختللو هېوادونو بيا خپلو خلکو ته نغذي مرستې برابرې کړې.
د بښنې نړيوال سازمان په يوه راپور کې ويلي، په افغانستان کې څلورو لسيزو جګړو اجازه نه ده ورکړې چې د بې وزلۍ او فقر پر وړاندې مبارزه وشي او اوس هم داسې ګڼ افغانان شته چې هره ورځ يوازې د ژوندي پاتې کېدو لپاره هڅه کوي.