د سره صلیب نړیواله کمېټه وايي، د ماینونو او ناچاودېدونکو توکو موجودیت د افغانستان د وګړو لپاره جدي خطر دی. دغې کمیټې ویلي دي چې دا ډول وسلې هر کال په افغانستان کې په زرګونو قربانی اخلي.
دخپریدو نیټه :پنجشنبه ۱۹ عقرب ۱۴۰۱ ساعت ۱۴:۲۵
د مطلب کود : 260820
افغان غږ خبری آژانس: په افغانستان کې د سره صلیب نړیواله کمېټه وايي چې هر کال په دغه هېواد کې زرګونه کسان د ماینونو او ناچاودېدونکو توکو قرباني کېږي.
دغې کمیټې ټینګار کړی چې د دغو وسلو پاکول اړین دي.
د سره صليب نړيوالې کمېټې د يونس په نوم د يوه تن عکس چې د ماين د چاودنې له قربانيانو څخه دى، خپور کړى او ليکلي يې دي: هغه يو کال مخکې په خوست ولايت کې خپله پښه له لاسه ورکړه.
یونس په کابل کې د سره صلیب د فزیکي بیارغونې په مرکز کې مصنوعي پښه ترلاسه کړه.
د هېواد په بېلابېلو سيمو کې د ناچاودو ماينونو چاودنې تل ملکي وګړو ته مرګ ژوبله اړوي.
ویل کیږي چې د افغانستان شاوخوا ۶۰۶ مربع کیلومتره خاوره په ماینونو او ناچاودېدونکو مهماتو ککړه ده.
څه موده وړاندې د سره صليب نړيوالې کمېټې ويلي وو، چې په افغانستان کې ماينونه او چاودېدونکي توکي د دغه هېواد د وګړو لپاره جدي ګواښ دى.
د دې کمیټې په وینا، د روان میلادي کال د جنورۍ میاشتي راهیسې د دغو وسلو له امله د ټپیانو او مړینې کچه لوړه شوې ده.
دا په داسې حال کې ده چې افغانستان د څه باندې څلوېښتو کلونو د پرله پسې جګړو له امله هر کال د ماینونو او ناچاودېدونکو توکو د خطرونو په برخه کې یو له ککړو هېوادونو څخه بلل کېږي.
دغې کمیټې ټینګار کړی چې د دغو وسلو پاکول اړین دي.
د سره صليب نړيوالې کمېټې د يونس په نوم د يوه تن عکس چې د ماين د چاودنې له قربانيانو څخه دى، خپور کړى او ليکلي يې دي: هغه يو کال مخکې په خوست ولايت کې خپله پښه له لاسه ورکړه.
یونس په کابل کې د سره صلیب د فزیکي بیارغونې په مرکز کې مصنوعي پښه ترلاسه کړه.
د هېواد په بېلابېلو سيمو کې د ناچاودو ماينونو چاودنې تل ملکي وګړو ته مرګ ژوبله اړوي.
ویل کیږي چې د افغانستان شاوخوا ۶۰۶ مربع کیلومتره خاوره په ماینونو او ناچاودېدونکو مهماتو ککړه ده.
څه موده وړاندې د سره صليب نړيوالې کمېټې ويلي وو، چې په افغانستان کې ماينونه او چاودېدونکي توکي د دغه هېواد د وګړو لپاره جدي ګواښ دى.
د دې کمیټې په وینا، د روان میلادي کال د جنورۍ میاشتي راهیسې د دغو وسلو له امله د ټپیانو او مړینې کچه لوړه شوې ده.
دا په داسې حال کې ده چې افغانستان د څه باندې څلوېښتو کلونو د پرله پسې جګړو له امله هر کال د ماینونو او ناچاودېدونکو توکو د خطرونو په برخه کې یو له ککړو هېوادونو څخه بلل کېږي.
avapress.com/vdcdxz0xzyt09j6.lb2y.html
ټګونه
ډیری لیدل شوي
