مجاهد: د هیرمند په تړون کې د افغانستان د اوبو بندونو ته د ایراني پلاوي سفر نه دی مطرح شوی

افغان غږ خبری آژانس - کابل: د اسلامي امارت ویاند ذبیح الله مجاهد له بي بي سي پښتو سره په مرکه کې ویلي چې د تړون له مخې اسلامي امارت ایراني پلاوي ته اجازه نه ورکوي چې د افغانستان د اوبو بندونو ته ولاړ شي.
 
مجاهد د دې پوښتنې په ځواب کې چې ایران وايي په هلمند کې کافي اوبه لري او د اوبو اندازه باید معلومه شي، مجاهد وویل چې اسلامي امارت تخنیکي ټیمونه لري او په ځینو ځایونو کې اوبه شته.
 
هغه دا هم وويل: "په کومو ځايونو کې چې اوبه وي، موږ يې منو، خو که اوبه د ایران و طرف ته پریښودل شي، ايران ته نه رسېږي، جذبېږي."
 
ایراني چارواکي ټینګار کوي چې د اوبو د کمښت په اړه د اسلامي امارت ادعا باید د یوې ګډې تخنیکي کمیټې له خوا تایید شي او که اوبه نه وي، دوی به هیڅ ادعا نلري.
 
افغانستان او ایران په ۱۳۵۱ کال کې د هلمند سیند د اوبو د شریکولو تړون لاسلیک کړ.
 
ایراني چارواکي وايي چې د دغه تړون له مخې باید هر کال ۸۲۰ میلیونه متر مکعب اوبه له افغانستان څخه ایران ته داخل شي. خو دوی ادعا کوي چې ایران دغه اندازه اوبه نه دي ترلاسه کړي.