له افغان حکومت سره د زیربنایي پروګرامونو په پلي کولو کې مرسته وکړئ!

افغان غږ خبری آژانس - کابل: د کډوالو چارو وزارت سرپرست خلیل الرحمن حقاني د یکشنبې په ورځ (جوزا ۷) په کابل کې په یوه خبري غونډه کې وویل چې دا مهال ۸ میلیونه افغانان په بهر کې ژوند کوي.
 
حقاني وویل چې اسلامي امارت په دننه کې د افغان ګډوالو د باعزته ژوند لپاره اسانتیاوې برابرې کړي او د افغان کډوالو څخه یې وغوښتل چې افغانستان ته په راستنیدو سره د هیواد په آبادۍ کې ونډه واخلي.
 
د حقاني د څرګندونو پر بنسټ؛ د اسلامي امارت په جوړیدو سره ملي امنیت تامین شوی او فساد او رشوت صفر شوی دی.
 
نوموړي همدا راز زیاته کړه چې اسلامي امارت هڅه کوي په هیواد کې د کارموندنې پروګرامونه پلي کړي. هغه غوښتل چې افغانان له بهرنیانو وژغوري او خیرات وکړي.
 
د کډوالو چارو سرپرست وزیر؛ خو هغه د افغانستان له ملاتړو هېوادونو وغوښتل چې د خوراکي توکو د مرستو او د سوالګرو د روزلو پر ځای دې له افغان حکومت سره د کارموندنې د پروګرامونو په پلي کولو او د زېربناوو په جوړولو کې مرسته وکړي.
 
هغه زیاته کړه: د ۴۳ کلنې جګړې په پایله کې چې د بهرنیانو له خوا هم رامنځته شوه، د هېواد ټول بنسټونه له منځه تللي او نړۍ باید اوس د پنځه کیلو وریجو او یوې بورۍ اوړه پر ځای د حکومت د پلانونو په پلي کولو کې مرسته وکړي.
 
د کډوالو د سرپرست وزیر د وینا له مخې؛ اسلامي امارت د ټولو افغانانو حقونه خوندي کړي او بهرنیان باید له «تعلیم»، «کار»، «امنیت» او نورو مسایلو څخه په هیواد کې د کډوالۍ د کړکیچ د زیاتوالي لپاره د عذر په توګه کار وانخلي.
 
خو نوموړي د سيمې او نړۍ ځينې هېوادونه د افغانستان د وضعيت په اړه په دروغو تورن کړل او ويې ويل، چې په بېلابېلو پلمو د هېواد د زياترو اتباعو د کډوالۍ هڅې کوي.
 
د کډوالو چارو سرپرست وزیر دغو هېوادونو ته په خطاب کې زیاته کړه:«که تاسو په افغانستان کې د بلې جګړې د پیلولو هڅه کوئ، دا یو خیال دی. ځکه افغانان له جګړې ستړي شوي او د یووالي او پرمختګ په لور ګامونه اخلي.
 
نوموړي همدا راز له امریکا وغوښتل چې د افغانستان د بندو اسعارو زیرمې دې خوشې کړي او د افغانانو حقوق دې ادا کړي.