اروپايي ټولنې د افغانستان له خلکو سره د مرستې لپاره ۱۴۰ میلیونه یورو مرسته وکړه

افغان غږ خبری آژانس - کابل: د افغانستان لپاره د اروپایی اتحادیې دفتر په یوه خبرپاڼه کې ویلی چې په افغانستان کې د پوهنې، روغتیا، کرنې او د ښځو د اقتصادی پیاوړتیا په برخو کې ۱۴۰ میلیونه یورو د لومړنیو او خوراکی توکو مرسته کوی.

 

د خبرپاڼې له مخې، د هغو مرستو د خوشې کولو پرېکړه چې مخکې د ۲۰۲۲ کال له ډسمبر میاشتې راهیسې د اسلامي امارت د پرېکړې په غبرګون کې بنده شوې وه، چې په نادولتي موسسو کې د ښځو له کار کولو منعه شوې وه، له شپږو میاشتو څارنې او ارزونې وروسته به صادره شي.

 

اروپايي ټولنې زياته کړه، چې دغه مرستې به د ملګرو ملتونو، نړيوال بانک او په افغانستان کې د شته نړيوالو غيردولتي موسسو له لارې پر مستحقو کسانو ووېشل شي.

 

دا مرستې په داسې حال کې ورکول کېږي چې د خوړو نړیوال سازمان د افغان وګړو د ژوندانه د وضعیت په اړه د اندېښنې په څرګندولو سره ویلي چې جګړې، خراب اقتصادي وضعیت او د اقلیم بدلون د دغه هېواد د وګړو پر ژوند ناوړه اغېز کړی او ۱۵ میلیونه افغانان یې اړ کړي دي.