په هلمند کې درې روغتيايي مرکزونه پرانستل شول

افغان غږ خبری آژانس - کابل: د افغانستان د پراختیا او روغتیا انستیتوت ولایتي مسوول ذبیح الله فیضي وايي، چې دغه مرکزونه په نادعلي، دیشو، ریګوان او ناوې کې جوړ شوي او نن یې په فعالیت پیل وکړ.

 

د هغه په ​​وينا، په يادو مرکزونو ۱۲۷ زره امريکايي ډالر لګېدلي دي.

 

هغه زياته کړه، چې د يادو ولسواليو په سپينو سيمو کې ټول روغتيايي مرکزونه د کانټينرونو په کارولو سره جوړ شوي، چې په سولر خونو، اوبو او برېښنا سمبال دي.

 

په ورته وخت کې ځايي اوسېدونکي هم د دغه اقدام ستاينه کوي.

 

دا په داسې حال کې ده، چې څو ورځې وړاندې د هلمند ولایت اوسېدونکي په دغه ولایت کې د معیاري روغتیايي مرکزونو له نشتوالي شکایت کوي.