په غزه کې د شهیدانو شمیر ۲۴۴۴۸ تنو ته ورسید

افغان غږ خبری آژانس: د غزې د روغتیا وزارت نن اعلان وکړ چې صهیونیسټ رژیم په تیرو ۲۴ ساعتونو کښې د فلسطین د ولس په خلاف ۱۶ سرغړونې او قتل عام کړی دی چې له امله یې په غزه کښې ۱۶۳ کسان وژل شوی او ۳۵۰ نور ژوبل شوی دی. .

 

په عین حال کښې د اکتوبر له اوومې نیټې راهيسې په لویدیځه غاړه او په اشغال شوی بیت المقدس کښې د صهیونیسټی پوځیانو او میشتو فلسطینیانو د تیریو د شهیدانو شمیر ۳۶۰ تنو ته رسیدلی دی او د روان کال له پیله تراوسه په لویدیځه غاړه کښې ۴۱ فلسطینیان شهیدان شوی دی. 

 

یو شمېر رسنیو خبر ورکړی، چې د نابلس په ختیځ کې، چې په لویدیځه غاړه کې پروت دی، د بالتا په کمپ باندې د صهیونیسټی بې پیلوټه الوتکې په برید کې د شهیدانو شمېر ۵ تنو ته رسېدلی دی.

 

تر دې مخکې فلسطیني سرچینو خبر ورکړی و، چې د بالتا په کمپ کې د اسرائیلي بې پیلوټه الوتکې په برید کې د دوو وروڼو په ګډون درې فلسطینیان وژل شوي دي.