ټاکل شوې ده چې، د افغان حکومت د سیاسي مخالفې ډلې ملي ایتلاف مشر ډاکتر عبد الله عبد الله نن رسماً د ولسمشرۍ راتلونکو انتخاباتو ته خپله کاندیداتوري اعلان کړي.
په همدې حال کې د حزب اسلامي مسوولین وايي چې؛ له جمعیت اسلامي سره د راتلونکو انتخاباتو په اړه موافقې ته رسیدلي چې؛ له مخې به یې د جمهوري ریاست په راتلونکو انتخاباتو کې د ډاکتر عبدالله عبدالله لومړی مرستیال د دې ګوند مرستیال انجنیر محمد خان وي.
محمد خان تیر ماښام ازادۍ راډیو ته وویل چې؛ نن غرمه مهال به د دوی ټیم د انتخاباتو خپلواک کمیسیون ته مراجعه وکړي او ډاکتر عبدالله عبدالله او مرستیالان به یې رسماً د کاندیدانو په توګه ځانونه ثبت کړي.
سرچينه : دصدای افغان خبری اژانس(اوا)
