د ملګرو ملتونو پراختیايي پروګرام (UNDP) په یوه راپور کې چې سرلیک یې دی "دوه کلن بیاکتنه؛ د افغانستان په اقتصاد، کورنیو او متقابلو سکټورونو کې بدلونونه" وايي، په افغانستان کې د پرله پسې وچکالۍ له امله په تېرو دوو کلونو کې کرنیز محصولات ۱۵،۷ سلنه کم شوي دي.

د نیمروز ولایت سیمه ییزو چارواکو د یوه کانال د جوړولو او کار پیل اعلان کړی چې د نیمروز ولایت له مرکز زرنج ښار سره د کمال خان بند نښلوي چې د زرنج ښار او شاوخوا کلیو د کرنې په برخه کې اغېزمن تمامېږي.

په هرات کې د ملګرو ملتونو د ملاتړ ادارې (یونیسف) استازو د دغه ولایت له سیمه ییزو چارواکو سره په لیدنه کې د دغه ولایت له زلزله ځپلو سره د مرستو د دوام ډاډ ورکړی دی.

د ملګرو ملتونو د بشري چارو د همغږۍ دفتر (OCHA) ویلي وچکالۍ د افغانستان د پنځوس سلنه وګړو ژوند اغېزمن کړی دی.

د کرنې، اوبولګولو او مالدارۍ وزارت چارواکي وايي، په هېواد کې د وروستیو اورښتونو له امله د دوی هیله زیاته شوې، چې په هېواد کې به وچکالي پای ته ورسیږي.

د بغلان د سمندري حوزو مسوولینو په دغه ولایت کې د ځمکې د سطحې د اوبو کچه ۵۰ سلنه کمه اعلان کړه او ویې ویل: د ځمکې له اوبو څخه غیر ضروري استفاده د اوبو سرچینې کمې کړي دي.

ویل کیږی، د فراه کې ۶ زره کورنۍ د جګړو له لاسه بې ځایه شوي دي.