د کابل ښار د پوهنې رئيس قاري عبدالباسط حقاني د کابل ښار د درېيمې ناحيې په مربوطاتو کې له يو شمېر رسمي او خصوصي ښوونځيو څخه ليدنه وکړه او د خصوصي ښوونځيو له مسوولينو يې وغوښتل چې د فعاليت جوازونه نوي کړي.

د اسلامي امارت د پوهنې وزارت اعلان کړی چې د افغانستان په سرسیر ولایتونو کې به دولتي او خصوصي ښوونځي نن جوزا ۳۰مې څخه د سرطان ۱۲مې پوري رخصت وي.

د بلخ ولايت د خصوصي ښوونځيو د اتحاديې مشر وايي، د کانګارو رياضي سيالۍ د زده کوونکو د رياضي په لېوالتيا کې ګټورې تمامېدای شي، ځکه د کانګارو د رياضي سيالۍ د ستونزو د هواري په برخه کې دي، څو زده کوونکي په لېوالتيا سره پوښتنو ته ځواب ووايي.

یو شمېر مدني فعالان وايي، چې د اسلامي امارت له جوړېدو مخکې اکثره خصوصي ښوونځي د زده کوونکو لپاره د کلتوري ازادۍ (ساز او سندرې) د ترویج لپاره ځایونه جوړ شوي وو. ځکه چې د دغو ښوونځيو خاوندانو د لويديځ کلتور د ترويج لپاره له بېلابېلو هېوادونو څخه پروژې اخيستې او جمهوري دولت پر دغو ښوونځيو هېڅ کنټرول نه درلود. له همدې امله د تدریس کیفیت تر ټولو ټیټ و. ...