د ازبکستان د ملي امنیت سلاکار وايي، افغانستان د منځنۍ او جنوبي اسیا د امنیت او دوامدار پرمختګ په برخه کې مهم ځای لري او موږ باید اجازه ورنه کړو چې افغانستان منزوي شي.

په اقتصادي چارو کې د لومړي وزير مرستيال د ازبکستان د ملي امنيت له سلاکار سره په کتنه کې د برېښنا او هوايي چلند په برخه کې د نيمه پايلو پروژو د ژر تر ژره بشپړولو پر اړتيا ټينګار وکړ. په همدې حال کې ازبک لوري په نږدې راتلونکي کې د اسلامي امارت د چارواکو په شتون سره په تاشکند کې د یوې غونډې د جوړولو اعلان وکړ.