د امریکا د کانګرس د بهرنیو اړیکو کمېټه وايي، په افغانستان کې دا مهال له ۱۲ میلیونو ډېر خلک له لوږې سره مخ دي.

د بایډن د حکومت او د امریکا د استازو مجلس تر منځ له څو میاشتو لانجو وروسته له افغانستان څخه د دغه هیواد د ځواکونو د ناورین ایستلو پر سر د امریکا د کانګرس دوو غړو د دغه هیواد د بهرنیو چارو په وزارت کې د امریکا یو پټ ټیلیګراف لیدلی دی.

د امریکا د تکزاس ایالت د جمهوري غوښتونکو استازي او د امریکا د استازو د جرګې د بهرنیو اړیکو د کمیټې مشر د دغه هیواد د بهرنیو چارو له وزیره غوښتي دي چې له افغانستان څخه د امریکايي پوځیانو د بیړنۍ وتلو په اړه د تحقیقاتو د پیلولو لپاره معلومات ورکړي.