د کورنیو چارو وزارت د نشه يي توکو پر وړاندې د مبارزې معین وايي، د بدخشان ولایت په مرکز فیض آباد ښار کې د ښځو او ماشومانو د درملنې لپاره د معتادینو د درملنې مرکز جوړ شوی دی.

په افغانستان کې د نشه يي توکو او جرمونو پر وړاندې د ملګرو ملتونو دفتر اعلان کړی، چې د نشه يي توکو د روږدو کسانو د بیارغونې له پروګرام سره د مرستې په موخه به په بېلابېلو ولایتونو کې د روږدو کسانو د درملنې ۲۴ مرکزونه تر پوښښ لاندې راولي.