د اسلامي امارت د کانونو او پټرولیم وزارت له سرپرست وزیر سره په کتنه کې یو ایټالوي پانګوال د بهرنیو پانګوالو لپاره د افغان حکومت له لوري د رامنځته شویو اسانتیاوو هرکلی وکړ او ویې ویل چې د افغانستان د ډبرو په کانونو کې به پانګونه وکړي.

د سوداګرۍ او صنایعو وزیر نورالدین عزیزي په هرات ولایت کې د ۴ تولیدي فابریکو د پرانیستلو په مراسمو کې د ګډون په ترڅ کې د هېواد په صنعتي برخو کې د هېوادوالو له پانګونې څخه د هرکلي په ترڅ کې له هغوی وغوښتل چې په صنعتي نندارتونونو کې په ګډون سره د هېواد په ځان بسیاینې او د کورنیو تولیداتو په برخه کې ونډه واخلي.