د افغان سرې میاشتې ټولنه وايي، په تېرو ۹ میاشتو کې یې د هېواد په ۲۳ ولایتونو کې له زلزله ځپلو، وچکالۍ، سېلاب ځپلو، بې وزلو او اړمنو سره د ۴۳۴،۶۹۰،۳۰۰ افغانیو نغدي مرسته کړې ده.

د ملګرو ملتونو د ماشومانو وجهي صندوق (یونیسف) پرون (یکشنبه، سنبلي ۲۰) په یوه ټویټ کې اعلان وکړ چې په خوست او پکتیکا ولایتونو کې یې د ماشومانو لپاره ۱۴۰ ښوونیز ټولګي جوړ کړي دي.

په افغانستان کې د روغتیا نړیوال سازمان (WHO) دفتر په خپله فیسبوک پاڼه کې د یوې خبرپاڼې په خپرولو سره ویلي چې د دوی ۲۵ ټنه طبي تجهیزات کابل ته رسېدلي دي.