د ازبکستان د سوداګرۍ پلاوي چې مشري یې د دغه هېواد د لومړي وزیر د مرستیال جمشید خاجیوف کوله، کابل ته د خپل سفر په ترڅ کې له اسلامي امارت سره د ۱،۲ میلیارد ډالرو په ارزښت سوداګریز تړونونه لاسلیک کړل.

د اسلامي امارت د اوسپنې پټلۍ اداره وايي، له چین او د ازبکستان او قرغزستان له هېوادونو سره د لاسلیک شوي هوکړې پر بنسټ، د افغانستان صادراتي او وارداتي مالونه د اورګاډي له لارې د دغو هېوادونو ته به ولېږدول شي.