د رئیس الوزرا اقتصادي مرستیال ملا عبدالغني برادر اخند له شپږ ورځني سفر وروسته کابل ته راستون شو او د پانګونې د جلبولو په موخه یې له ترکي اقتصادي چارواکو سره خبرې وکړې.

د رئیس الوزرا د اقتصادي چارو مرستیال ملا عبدالغني برادر په استانبول کې له یو شمېر لویو ترکي او افغان سوداګرو سره په کتنه کې وویل چې په افغانستان کې د هر اړخیز امنیت په تامین سره به په بېلابېلو برخو کې د پانګونې فرصتونه شته.

د افغانستان د سوداګرۍ او صنایعو خونې رئیس یونس مومند په یوه خبري ناسته کې د مالیاتو د کمولو په اړه د اسلامي امارت د رهبرۍ د فرمان هرکلی وکړ او له هغو سوداګرو او پانګوالو یې وغوښتل چې له هېواده بهر دي افغانستان ته راستانه شي.