د اقتصادي چارو یو شمېر کارپوهان د امریکا د سولې انسټیټیوټ وروستی راپور ردوي او وايي، چې په تېرو دوو کلونو کې د اسلامي امارت په اغېزناکو پروګرامونو سره د افغانستان اقتصاد له سقوط څخه ژغورل شوی دی.

د افغانستان د بیارغونې لپاره د امریکا د ځانګړي مفتش دفتر (سیګار) د یوه راپور په خپرولو سره د افغانستان اقتصادي وضعیت خراب بللی دی. د دغه بنسټ د معلوماتو له مخې، د هېواد په میلیونونو وګړو د ناوړه اقتصادي وضعیت له امله د خوراکي توکو سپما ته مخه کړي ده.

د کابل ښاروالۍ مسؤلین وايي، ډېر ژر به د کابل ښار په ټولو لارو کې د ښاریانو د تګ راتګ لپاره دولتي بسونه په ازمایښتي ډول فعال شي.

د خوړو نړیوال پروګرام په هېواد کې د بې وزلۍ له زیاتوالي او ناوړه اقتصادي وضعیت سره هم مهاله، له افغانستان سره د ۲۰ میلیونو وګړو د مرستې په برخه کې د نړیوال ملاتړ غوښتنه وکړه.