د کندهار سیمه ییز چارواکي وايي، په تېرو درېیو ورځو کې د سپین بولدک له لارې له پاکستان څخه درې سوه شل کډوالې کورنۍ افغانستان ته راستانه شوي دي.

د افغانستان په چارو کې د پاکستان د بهرنیو چارو وزارت ځانګړی استازی آصف درانی وايي، له پاکستان څخه د افغان کډوالو د جبري ایستلو بهیر له پیل راهیسې تر اوسه شاوخوا ۴۵۰ زره کسان له دغه هېواده ایستل شوي دي.

د کډوالو او راستنیدونکو چارو وزارت اعلان کړی، چې په تېرو ۱۵ ورځو کې له پاکستان څخه د کندهار ولایت د سپین بولدک له لارې څه باندې ۷۳ زره کډوال هېواد ته راستانه شوي دي.

د پاکستان د مشرانو جرګې یوه غړي ادعا کړې، چې په افغانستان کې د اسلامي امارت له واکمنۍ وروسته پاکستاني پوله ساتو له هر افغان کډوال څخه چې پاکستان ته داخلېږي، سل زره کلدار رشوت اخیستی دی.

د مهاجرینو او راستنیدونکو چارو وزارت سرپرست خلیل الرحمن حقاني پرون د شنبې په ورځ د عقرب په ۲۰مه د اسلام قلعه له پولې څخه د لیدنې پر مهال وویل چې له ګاونډیو هیوادونو څخه غواړو چې له افغان مهاجرینو سره ښه چلند وکړي.

په تورخم کې د ملګرو ملتونو یوه چارواکي نن پنجشنبه د عقرب په ۱۸ مه رسنیو ته وویل چې د پاکستان د حکومت له خوا د افغان کډوالو د جبري ایستلو له پرېکړې وروسته له دې پولې څه باندې ۲۱۰ زره کسان بېرته افغانستان ته راستانه شوي دي.

د بهرنیو چارو وزارت د ویاند مرستیال په یوه غږیز ټیپ کې له افغان کډوالو سره د پاکستان اوسنی چلند او له دغه هېواده د هغوی ډله ییز اخراج "غیر عادلانه او نامناسب" بللی دی.

حکيم الله نورزي يو افغان سوداګر د خپل پلار درې سوه جريبه ځمکه د هغو افغان کډوالو د اوسېدو لپاره ځانګړې کړې چې له پاکستانه ايستل کېږي.

ډان نیوز راپور ورکړی چې د پاکستان موقت حکومت یو لایحه تصویب کړې چې له مخې یې هغه افغان اتباع چې د پاکستان څخه د وتلو کره اسناد نه لري "د 800 ډالرو په بدل کې د وتلو اسناد ورکول کیږي".