په کابل کې به نن (د سپټمبر په ۱۲مه) د شپږیزې کرکټ لیګ په روانو سیالیو کې لومړی د بند امیر ښاماران د کابل بازانو له لوبډلې سره مخامخ شي.
لوبه د سهار په نهو بجو پيلېږي. دا به د شپږیزه کرکټ لیګ په سیالیو کې ۱۲مه لوبه وي. ۱۳مه لوبه د مس عینک اتلانو او د امو نهنګانو ترمنځ ده. دا لوبه د ماسپښين په یوه نیمه بجه پيلېږي. د شپږیزه کرکټ لیګ اووم دور د سپټمبر په شپږمه پیل شو. د لیګ د اتلولۍ سیالۍ به د چهارشنبې په ورځ وي.
