یو شمیر عربي رسنیو د خپلو سرچینو په حواله د حماس غورځنګ او صهیونیسټ رژیم ترمینځ د احتمالي موافقې ځینې برخې خپرې کړي دي . د خپرو شويو جزئياتو له مخې، د پنځه ورځني اوربند ټينګېدل چې په ترڅ کې يې په غزه کې ټول پوځي عمليات، هغه که بمباري وي او که ځمکني بريدونه ودرول شي، د دغه تړون له مهمو ټکو څخه دي.

د غزې په تړانګه کې د دولتي اطلاعاتو دفتر اعلان وکړ چې په دې تړانګه کې د اسراییلو د تیري په ترڅ کې ۶۰ سلنه کورونه په نښه شوي دي.

د اسرائیلو پوځ چې معمولاً د خپلو ځواکونو د مرګ ژوبلې پخلی کوي، منلې چې د دغه رژیم درې نور پوځیان په غزه کې د فلسطیني مقاومت له جنګیالیو سره په جګړه کې وژل شوي دي.

د بهرنیو چارو وزارت وايي، اسراییل د هرې ورځې په تېرېدو سره د جګړې له ټولو قوانینو او حدودو سرغړونه کوي. په همدې دلیل یې په غزه کې جنګي جنایتونه کړي دي.

د فلسطین د روغتیا وزیر وايي، د غزې په روغتونونو کې وضعیت کړکېچن دی، موږ په غزه کې تر ۲۴۰۰۰ ډېر ټپیان لرو او باید ژر تر ژره ساحوي روغتونونه جوړ کړو.

د فلسطین د اسلامی مقاومت غورځنګ پوځی څانګې «کتائب القسام» اعلان وکړ چې د مقاومت جنګیالیو د غزې تړانګې مختلفو سیمو ته د ننوتلو هڅه کوله د صهیونیسټ رژیم ۳ ټانکونه ویجاړ کړل.

د حماس ویاند اعلان وکړ چې دغه غورځنګ د صهیونیسټ رژیم د بندیانو د آزادولو لپاره په دې شرط چمتو دی چې ټول فلسطیني بندیان خوشي کړي.

د چین ولسمشر د اسراییلو او حماس ترمنځ د جګړې د ژر تر ژره پای ته رسولو غوښتنه وکړه او ویې ویل چې بیجینګ د دې شخړې د پایداره حل موندلو لپاره د عربي حکومتونو سره همکارۍ ته چمتو دی.

په غزه کښې د فلسطین د روغتیا وزارت نن د پنجشنبې په سهار وویل په یو ساعت کښې د صهیونیسټی رژیم د پوځیانو په وحشیانه حملو کښې چې په صبرا، الزیتون، النفق او طلال سیمو کښې ترسره شوي، ۵۱ فلسطینیان شهیدان شوي او۲۸۱ نور کسان ټپیان شوي دي.

په داسې حال کې چې اسراييلي رژيم له مصر څخه غوښتي چې د حماس له خوا د نيول شويو ټپيانو او اسراييلي بنديانو د خلاصون لپاره منځګړيتوب وکړي، امريکا هم له دغه هېواده غوښتي چې پر حماس فشار راوړي چې د "اقصی طوفان" عملياتو په چوکاټ کې د اسراييلو پر ضد بريدونه ودروي.

صهیونیسټي سرچینو د شنبې په ماښام اعلان وکړ چې د الاقصی طوفان په عملیاتو کښې د هغوي د زخمیانو شمیر ۱۶۹۷ ته رسیدلی دی.

د اسرائیلو پوځ اعلان کړی، چې د دوی هوايي ځواک د غزې په تړانګه کې پر هدفونو بریدونه کوي.