د سرې میاشتې اداره وايي، د میدان وردګو ولایت په جلریز ولسوالۍ کې یې د وروستیو سیلاب ځپلو کورنیو ته ۱۱ لارۍ خوراکي توکي استولي دي.

د افغان سرې میاشتې ټولنه وايي، په تېرو ۹ میاشتو کې یې د هېواد په ۲۳ ولایتونو کې له زلزله ځپلو، وچکالۍ، سېلاب ځپلو، بې وزلو او اړمنو سره د ۴۳۴،۶۹۰،۳۰۰ افغانیو نغدي مرسته کړې ده.

بهرنيو مرستندويه ادارو د ميدان وردګو د طبيعي پېښو پر وړاندې د مبارزې رياست په همکارۍ د دغه ولايت په سيداباد، چک او جلريز ولسواليو کې له سېلاب ځپلو کورنيو سره ۱۵ ميليونه افغانۍ نغدي او غيرې نغدي مرسته ووېشله.

د اسلامي امارت د رئیس الوزرا اقتصادي مرستیال د هیواد په لسو ولایتونو کې د سیلابونو له امله په اوښتو زیانونو د خواشینۍ په څرګندولو سره د یو پیغام په خپرولو سره اړوندو ادارو ته امر کړی چې له زیانمنو سره لازمې مرستې وکړي.