د کندز ولایت سیمه ییز چارواکي وايي، په دغه ولایت کې د ۳۰ میلیونه افغانیو په لګښت د ۹ چک بندونو د جوړولو چارې پیل شوې.

د کندز سیمه ییز چارواکي وايي؛ د څه دپاسه ١٧ ميليونه افغانيو په لګښت د اوبو رسولو د دوو شبکو د جوړولو کار چې ټاکل شوې ده په دغه ولايت کې څه دپاسه ٨٦٠ کورنيو ته دڅښاک پاکې اوبه برابرې کړي پيل شي.

د کندز ولايت د اطلاعاتو او کلتور رياست مسوولين وايي چې د کتاب د اوونۍ په مناسبت يې ددغه رياست په کتابتون کې يو ورځنى کتاب نندارتون جوړ کړى دى.

د کندز امنیتي چارواکي وايي چې د دغه ولایت په ۹ ولسوالیو کې یې ۵۰ جریبه ځمکه له کوکنارو پاکه کړې ده.

د کندز ولایت د اطلاعاتو او فرهنګ رئیس د افغان غږ خبري آژانس د تاسیس د ۲۱مې کلیزې په مناسبت وویل چې دغه رسنۍ د ټولنې د واقعیتونو او د خلکو د غږ انعکاس دی. او ملاتړ یې کوي. دغه راز د بغلان د ولایتي شورا یوه غړي ټینګار وکړ چې د افغان غږ خبری آژانس کار په افغاني ټولنه ډېر اغېز کړی دی.

د کندز ولایت د شیرخان بندر سوداګریز ګمرک چارواکي له دغه بندر څخه د سوداګریزو توکو په عوایدو کې د بې ساري زیاتوالي خبر ورکوي او وايي: تر اوسه په ۱۵ میاشتو کې له ۳۲۰ میلیونو افغانیو زیات صادراتي عواید ترلاسه شوي چې څو برابره زیات شوي دي.