د غزني ولایت د مقر ولسوالۍ اړوند د چمبرانو په سیمه کې نن سهار شاوخوا(۸:۳۰) بجي د وسله والو طالبانو لخوا د ځای پر ځای شوي ماین چاودنه کې اوه(۷) ماشومان شهیدان او دوه (۲) تنه ټپیان شوي دي.
دخپریدو نیټه :شنبه ۲۱ ثور ۱۳۹۸ ساعت ۱۴:۵۳
د مطلب کود : 184870
یاده پیښه داسي مهال رامنځته شوي چې یاد ماشومان کلي ته څیرمه پر لوبو بوخت وو، چې پر مهال یې د طالبانو لخوا په لاره کې پر ځای پر ځای شوي ماین ور برابر شوي دي.
دا په داسي حال کې ده چې وسله وال طالبان تل له هستوګنیزو کورونو څخه د سپر او سنګر په توګه کار اخلي او ترڅنګ یې په عامه لارو کې ماینونه ځای پر ځای کوي چې ډیری مهال یې قربانیان بیګناه ملکي کسان وي.
دغه راز د یوبل خبر له مخي تیره شپه شاوخوا(۱۲:۲۰) او (۱:۰۰) بجي د غزني ولایت د جاغوري ولسوالۍ او د زابل ولایت د خاک افغان ولسوالۍ ترمنځ پراته د شفتل، جنګلي او دو آب سیمو کې د ائتلاف ځواکونو په هوایې بریدونو کې اته (۸) تنه طالبان وژل شوي او (۱۱) تنه ټپیان شوي دي.
سرچينه : د صدای افغان خبری آژانس(آوا)
avapress.com/vdcd5o0fzyt0jj6.lb2y.html
ټګونه
مربوطه لیکنې
[۲۷ حمل ۱۳۹۸] 
[۲۹ حمل ۱۳۹۶] 
[۲۹ دلو ۱۳۹۲] 
[۱۷ قوس ۱۳۹۱] 
[۲۷ سنبله ۱۴۰۱] 
