مکینزي په افغانستان کې معلوماتو ته د نه لاسرسي په اړه اندیښنه څرګنده کړه

افغان غږ خبری آژانس: د ډیلي وایر خبري وېبپاڼې د راپور له مخې، متقاعد امریکايي جنرال او د امریکا د مرکزي قوماندانۍ پخواني مشر فرانک مکینزي پرون (یکشنبه، سپتمبر ۱۱) له سي بي اس چینل سره په مرکه کې د افغانستان د جګړې او په افغانستان کې د متحده ایالاتو د استخباراتي ظرفیت محدودیت په اړه اندېښنه څرګنده کړه.
 
مک کینزي وویل: "زه فکر کوم چې موږ اوس د افغانستان د څارنې خورا محدود وړتیا لرو."
 
هغه زیاته کړه: "زه فکر کوم چې موږ اوس له دوه یا درې سلنې څخه لږ استخباراتي وړتیا لرو چې افغانستان ته د وتلو دمخه مو درلوده."
 
مک کینزي دا هم ویلي چې ولسمشر جوبایډن ته یې سپارښتنه کړې چې په افغانستان کې ۲۵۰۰ سرتیري وساتي خو په ځواب کې ورته وویل شول چې دا ډول اقدام به بد سیګنال واستوي.
 
د امریکا د حکومت د ارزونې په تړاو د یوې پوښتنې په ځواب کې چې داعش او القاعده د امریکا لپاره ګواښ نه دی، دغه متقاعد جنرال وویل، چې دا ډلې لا هم "بیا جوړېدای شی" او په راتلونکې کې ستونزې رامنځته کولای شی.
 
هغه دا هم وویل چې له افغانستانه د امریکايي ځواکونو د وتلو په اړه د بایډن د حکومت راپور باید له امریکايي ولس سره شریک شوی وای.
 
له افغانستان څخه د امریکا وتل د امریکا په مشرۍ د ناټو ځواکونو پر وړاندې د اسلامي امارت له شل کلنو جګړو او د امریکا په ملاتړ د حکومت له چټک سقوط وروسته ترسره شول.