پوځي کارپوهان وايي، اسلامي امارت توانېدلی چې په هېواد کې د چریکي جګړو او سرحدي امنیت او د خلکو په همکارۍ د تروریستي ډلو په ځانګړي ډول د داعش د ۹۰ سلنه بریدونو مخه ونیسي، ځکه چې په تېرو دوو کلونو کې څو د القاعدې او داعش پټنځایونه د اسلامي امارت د پوځي ځواکونو له خوا له منځه وړل شوي او د دغو ډلو زیاتره قوماندانان په نښتو کې وژل شوي او یا نیول شوي دي.

د اسلامي امارت د بهرنیو چارو د وزارت ویاند عبدالقهار بلخي په افغانستان کې د القاعدې ډلې د نه شتون په اړه د امریکا د ولسمشر جوبایډن د وروستیو څرګندونو هرکلی وکړ او ویې ویل چې د بایډن خبرې حقیقت لري.

د بورکینا فاسو پوځ اعلان کړی چې تروریستانو چې پوځي یونیفورم یې اغوستی و، په یوه کلي له برید وروسته ۶۰ اوسېدونکي وژلي دي.

د روسیې ولسمشر په مسکو کې د سیمې د هېوادونو د امنیت شورا په پنځمه غونډه کې وویل چې له افغانستانه د امریکا له وتلو وروسته د ترهګرۍ ګواښونه زیات شوي او د افغانستان مسئله تل د روسیي لپاره مهمه ده او اوس یې اهمیت دوه چنده شوی دی.

آوا - ورځني کتنه: د امریکا د جاسوسۍ ادارې مشر له ترهګرۍ سره د مبارزې په برخه کې د سیمې د ولسونو سترې لاسته راوړنې امریکا ته منسوبوي او دا یې د دغه هیواد د قدرت او وړتیا نښه بولي، دا په داسې حال کې ده چې امریکا نه په عراق او سوریه کې له ترهګرۍ سره مبارزه کړې او نه هم په افغانستان او نورو هېوادونو کې.

د امریکا د بهرنیو چارو وزیر د "تحریک طالبان پاکستان" او القاعدې په وړاندې د بندیزونو په غبرګون کې ټینګار وکړ چې موږ به د نورو هیوادونو په وړاندې له افغانستان څخه د ګواښونو د مخنیوي لپاره ټولې وسیلې په کار واچوو.

په افغانستان کې د ترهګرو ډلو د پراخ فعالیت په اړه د پاکستان د لومړي وزیر شهباز شریف له وروستیو څرګندونو وروسته، په قطر کې د اسلامي امارت سیاسي ویاند د دغه پاکستاني چارواکي خبرې غیر مسؤلانه وبللې.

غلام رضا سادات: اوس په افغانستان کې د امریکا شل کلنې جګړې او واک ته د اسلامي امارت د راتګ ته په کتو سره جوته شي چې امریکا په افغانستان کې په نظامي او سیاسي او دیپلوماتیکو برخو کې ناکامه شوې ده. ځکه چې په تېرو شلو کلونو کې د افغانستان د جګړې د مدیریت لپاره د څه کم دوه تریلیون ډالرو په لګښت د څه باندې درې زره پوځیانو د وژل کېدو او د زرګونو نورو د ټپي ...

آوا - ورځني کتنه: د افغانستان خلکو د شل کلنې مبارزې او جهاد په پایله کې وکولای شول چې امریکا په ګونډو کړي او خپل هیواد له استعمار څخه آزاد کړي، خو د اشغال پر ضد جګړه لا پای ته نه ده رسېدلې. ځکه چې امریکا د "نه ختمیدونکي عدالت" د تیورۍ تر سیوري لاندې چې اصلي نوم یې د "ترهګرۍ پر وړاندې مبارزه" وه او وروسته د امریکايي ستراتیژیستانو لخوا د "ترهګرۍ پر وړاندې ...

سید هاشم علوي: د بې طرفه قضاوت له مخې په افغانستان کې د امریکا د شل کلن حضور پایله له ۲۴۰ زرو څخه د زیاتو انسانانو په وژلو او د دوه تریلیون ډالرو د مصرف پرته بل څه نه دي. هغه لاسته راوړنې چې کله کله ادعا کیږي د زیانونو یوه برخه هم نه ده.

د امریکا د مرکزي قوماندانۍ پخواني مشر جنرال فرانک مکینزي د افغانستان د وضعیت په اړه معلوماتو ته د خپل هېواد د نه لاسرسي په اړه اندېښنه ښودلې او ویلي یې دي، چې په افغانستان کې د خپل حضور د کلونو په پرتله امریکا یوازې په افغانستان کې لاس رسی لري. ۳٪ هغه معلومات چې ورته اړتیا لري.

چینايي رسنۍ شینهوا پر افغانستان د امریکا د برید لاملونه څېړلي او لیکلي یې دي، چې د ترهګرۍ تعریف د امریکا په ګټو پورې اړه لري او دا چې واشنګټن تل له ترهګرۍ څخه د جګړې لپاره کار اخیستی او د واک لپاره یې خپلې لېوالتیا زیاته کړې ده.

د القاعدې ترهګرې ډلې یو جګپوړي غړي یو کتاب خپور کړی چې د پلانونو په اړه تمرکز کوي او دا چې څنګه دې ډلې د ۲۰۰۱ کال د سپټمبر په ۱۱ مه نیټه په نیویارک کې د نړیوال سوداګریز مرکز برید پلان کړ. د کتاب د لیکوال په وینا، د دې برید موخه دا وه چې امریکا په اوږدمهالې جګړې کې ښکېل کړي.

آوا - ورځني کتنه: له افغانستان څخه له وتلو یو کال وروسته امریکا یو ځل بیا د خپلې غیر قانوني واکمنۍ د بیرته ټینګولو لپاره لارې چارې لټوي. واشنګټن هڅه کوي چې په سیمه کې د هغو ګوډاګیو رژیمونو په مرسته چې یرغلګرو امریکايي پوځیانو ته یې اډې ورکړي دي، له «ترهګرۍ» سره د مبارزې په پلمه د افغانستان له فضايي حریم څخه سرغړونې ته مشروعیت ورکړي.

جو بایډن؛ د کابل هوايي ډګر ته څېرمه د تېر کال د خونړي برید د لومړۍ کلیزې په مناسبت د امریکا ولسمشر وايي، واشنګټن به په افغانستان کې له پوځي حضور پرته پر "ترهګرو" ډلو فشارونه وساتي.

ذبیح الله مجاهد؛ د اسلامي امارت ویاند وايي، په هېواد کې په بې ساري ډول د داعش ډلې پورې تړلي ترهګر ځپل شوي او په افغانستان کې د فعالیت توان نه لري. هغه دا هم وویل چې اسلامي امارت تر اوسه د ایمن الظواهري مړی نه دی موندلی.

وروسته له هغې چې په کابل کې د القاعدې مشر ایمن الظواهري د امریکا د بې پیلوټه الوتکې په برید کې ووژل شو، اوس د دغه هېواد استخباراتي ادارو یو راپور خپور کړی چې ویلي یې دي، دغه ترهګره ډله د افغانستان په خاوره کې د غچ اخیستلو لپاره لازم ځواک او وړتیا نه لري.

ذبیح الله مجاهد له ملي ټلویزیون سره په مرکه کې په کابل کې د القاعدې د مشر د شتون په اړه د اسلامي امارت نه پوهاوی د استخباراتي چارواکو ضعف وباله.

په کابل کې د امریکا د بې پیلوټه الوتکې د برید په غبرګون کې د هېواد د صرافانو اتحادیې او سلګونو هېوادوالو د دغه هېواد پر ضد لاریون وکړ او د امریکا بیرغ یې وسوځاوه. دوی ویلي چې د غاصبینو پر وړاندې به ودریږي.

د غور ولایت اوسېدونکو د یوه لاریون په ترڅ کې مرګ پر امریکا شعارونه ورکړل او پر افغان خاوره یې تېری وغانده او د امریکا د ولسمشر انځور ته یې اور ورته کړ.