د افغانستان د فوټبال ملي لوبډلې په خپله لومړۍ لوبه کې د قرقیزستان څخه ماته وخوړه

افغان غږ خبری آژانس - کابل: د هېواد د فوټبال فدراسیون د اعلان له مخې، دغه لوبه پرون (شنبه، جوزا ۲۰) د کابل پر وخت د ماښام ۷:۳۰ بجې د قرقیزستان په کوربه توب پیل شوه.
 
دا لوبه د قرغزستان په مرکز بشکیک کې د عمرزاکوف په لوبغالي کې ترسره شوه. د افغانستان ملي لوبډله د فیصل حمیدي، محبوب حنیفي، فرزاد عطايي، امان الله سرداري، حسین علیزاده، نعمان ولیزاده، مشتاق باسط، یارمحمد ذکرخیل، طائف سکندري، یما شیرزاد او امرالدین شریفي په ترکیب سره د خپلو سیالانو پر وړاندې میدان ته راووتله.
 
د لوبې ۹۰ دقیقې وروسته له ګول پرته مساوي شوه او په پای کې د دوهمې نیمايي په اضافي وخت کې د افغانستان د فوټبال ملي لوبډلې د قرقیزستان له ملي لوبډلې څخه لومړی ګول ترلاسه کړ.
 
له هغه وروسته په یوه نادره پېښه کې د افغانستان د فوټبال د ملي لوبډلې لوبغاړي د خپل روزونکي عبدالله المطیري په امر له وروستي څپو مخکې له میدان څخه ووتل.
 
د مرکزي اسیا د فوټبال د لویو عمرونو د سیالیو لومړی پړاو نن د اوو ټیمونو په ګډون او د ازبکستان او قرغزستان په کوربه توب پیل شو.
 
په دغو سیالیو کې د افغانستان، ایران، قرغزستان، ازبکستان، ترکمنستان او تاجکستان د فوټبال ملي لوبډلې د منځنۍ اسیا د فوټبال فدراسیون د دایمي غړو او د عمان د فوټبال ملي ټیم د مېلمنو په توګه حضور لري.
 
افغانستان د دې ټورنمنټ په (ب) ګروپ کې له قرقیزستان او ایران سره دی.