په دایکندي کې یو شمېر موټر چلوونکو او مسافر وړونکو شرکتونو د حکومت له لوري د کرایو د کموالي له امله اعتصاب کړی دی

افغان غږ خبری آژانس - بامیان: د دایکنډی د باتوریان ترانسپورتی شرکت مسوول چراغ علی سخنور د دغه ولایت سیمه ایزو رسنیو ته وویل: پخوا له یوې ولسوالۍ څخه بلې ولسوالۍ ته ۵۵۰ افغانۍ کرایه ورکول کېده، اوس نوي نرخ له مخې ۲۵۰ افغانۍ ده.
 
هغه زیاته کړه، د دایکندي ولایت د کرایې نرخ د لوګر، پکتیا، غزني او کابل ولایتونو او د پاخه سړکونو د کیلومترو پر بنسټ محاسبه شوی دی.
 
یو شمېر موټر چلوونکي چې پر دې نرخ نوملړ اعتراض کوي وايي، د ډیزلو او موټر پرزو بیې لوړې شوې، د حکومت له لوري ټاکل شوې دا پیسې د دوی د سفر لګښتونه نه شي پوره کولای، یوازې د موټر، ټایرونو او یا د پیسو مالیه به پرې نه ږدي.
 
له بلې خوا د دايکنډي يو شمېر اوسېدونکو له مسوولو بنسټونو د نرخونو د دغه نوملړ د عملي کېدو غوښتنه کړې ده. د دوی په خبره، پخوا به موټر چلوونکو له خلکو دوه چنده پیسې اخیستې.
 
سيمه ييزې رسنۍ، قوريه راډيو د دايکنډي ولايت د ځمکني ترانسپورت د مديريت د مسوولينو له خولې خبر ورکړى، چې د موټر د کرايې نوي نوملړ د دوى له خوا تصويب شوى او دا يې هم ويلي، چې دغه پرېکړه د ترانسپورت وزارت د معيارونو پر بنسټ شوې ده. د ملکي هوايي چلند اداره چې د غرونو پر سر ولاړه ده، سړکونو کې د فی کیلو متر په کرایه کې ۵۰٪ زیاتوالی شامل دی.