د دايکنډي ولايت يو شمېر ترانسپورتي شرکتونو او موټر چلوونکو له څو ورځو راهيسې د دغه ولايت د لويو لارو د کرايې د کموالي له امله چې د حکومت له خوا د نوي نرخ نوملړ پر بنسټ اعلان شوى، په اعتصاب لاس پورې کړى دى. دوی وايي، د جغرافيايي موقعيت، سختو لارو او د سړکونو د خرابوالي له امله دغه پرېکړه د موټر چلوونکو او مسافر وړونکو شرکتونو په زيان ده.

د ډبرو سکرو اتحاديې چارواکي او سوداګر وايي، حکومت د ډبرو سکرو لاريو پر مخ لاره تړلې او د لېږد اجازه نه ورکوي. له همدې امله موټر چلوونکي اعتصاب ته اړ شوي دي.