د ایران د اسلامي جمهوریت چارواکو اعلان کړی، چې دغه هېواد په تېره یوه میاشت کې څه باندې شپیته زره افغان کډوال له اسنادو پرته بېرته خپل هېواد ته استولي دي.

د سرپرست حکومت د مهاجرینو او راستنیدونکو چارو وزارت له ایران څخه د څه باندې ۱۶۳۸ مهاجرینو د راستنیدو خبر ورکړی دی.

د ایران د اسلامي جمهوریت د خراسان رضوي د پولو د ساتونکو قوماندان مجید شجاع په تیره اونۍ کښې له دغه هیواد څخه د څه دپاسه دیارلس زره افغان کډوالو او پناه غوښتونکو د ویستلو اعلان وکړ.

د اسلامي امارت د مهاجرینو او راستنیدونکو چارو وزارت اعلان کړی چې د میزان په ۲۹مه دوه زره او ۸۰۵ افغان کډوال په خپله خوښه او جبري توګه هیواد ته راستانه شوي دي.

د پاکستان د کورنیو چارو او زندانونو موقت وزیر حارث نواز ویلي، د افغان کډوالو "میلمه پالنه" پای ته رسېدلې او د افغان کډوالو د اخراج له پرېکړې وروسته له دغه هېواده شاوخوا ۱۶۰۰ کسان ایستل شوي دي.

د کډوالو او راستنیدونکو چارو وزارت چارواکي وايي، له پاکستان څخه ۸۲۷ تنه کډوال چې ۱۳ یې له زندانه خوشي شوي وو، هېواد ته راستانه شوي دي.

د کډوالو او راستنیدونکو چارو وزارت وايي، د اسلامي امارت له جوړېدو وروسته، په تېرو دوو کلونو کې دوه میلیونه کډوال هېواد ته راستانه شوي دي.