د امریکا د بهرنیو چارو وزارت وايي، که څه هم د افغانستان د نویو چاپ شویو پیسو په لېږد کې مرسته کوي، خو دا کار یوازې له افغانانو سره مرسته کوي او د امریکا او اسلامي امارت په اړیکو هېڅ اغېز نه لري.

د امریکا وال سټریټ ژورنال ورځپاڼې د افغانستان د مرکزي بانک د منجمد شویو پیسو په اړه د امریکا د نوې پرېکړې په اړه راپور خپور کړی. دې خپرونې د امریکايي چارواکو په حواله ویلي، چې په کابل کې د ایمن الظواهري حضور د هېواد د بهرنیو اسعارو د زېرمو دنه آزادیدل یو عذر په توګه یاد شوی دی.

د امریکا د بهرنیو چارو وزارت د اعلامیې له مخې، د دغه هېواد استازي به د تاشکند په غونډه کې د اسلامي امارت له پلاوي سره د افغانستان د بندو شویو مرستو د خلاصون په اړه خبرې وکړي.