د سیاسي چارو کارپوهان وايي چې د افغانستان له شل کلن اشغال وروسته اوس امریکايي چارواکي اعتراف کوي چې دوی په افغانستان کې ناکام شوي، په دې توګه دوی له هغه درده خلاص شول چې افغانانو ته یې پیدا کړی و.

د امریکا د مشرانو جرګې یوه جمهوري غوښتونکي سناتور د هېواد له یوې رسنۍ سره په مرکه کې په افغانستان کې د امریکا د ناکامۍ اغېزې مهمې وبللې او دغه ناکامي یې د اوکراین او تایوان د وضعیت په ګډون د نړۍ د ډېرو ګډوډیو بنسټ وباله.