د تبيان کلتوري او ټولنيزو فعاليتونو د مرکز عمومي رييس په هېواد کې د کړکېچ او وينې تويېدنې لامل کمونستان ياد کړل او ويې ويل چې په هېواد کې بحران د کمونستي حکومت له جوړېدو او د شوروي له يرغل وروسته پيل شو اوسه پورې دوام لري. هغه همدارنګه ټینګار کوي چې د ثبات او حاکمیت د ساتلو لپاره د چارواکو لومړیتوب باید د خلکو د کلتور او پوهې لوړول وي.

د تبیان د ټولنیزو او کلتوري فعالیتونو د مرکز د جوړېدو له ۳۱مې کلیزې په رارسیدو سره، په کابل کې یو شمېر ځوانان او محصلین وايي، چې د تبیان مرکز د جوړېدو په درېیو لسیزو کې ستر فکري، کاتوري او علمي کارونه ترسره شوي دي.