د بغلان ولایت د کلیو پراختیا ریاست مسوولین وايي، سږ کال د دغه ولایت په شپږو ولسوالیو کې ۵۵۰ کیلومتره کلیوالي سړکونه د ۱۹۶ پروژو په چوکاټ کې رغول شوي دي.

د فراه ولایت د کلیو پراختیا ریاست وايي، د خوړو نړیوال سازمان په دغه ولایت کې له ۱۶۹۴ اړمنو کورنیو سره د خوراکي توکو مرسته کړې ده. د نیمروز ولایت د سرې میاشتې ریاست سیمه ییزو چارواکو په دغه ولایت کې پر ۶۶۷ اړمنو کورنیو د خوراکي توکو د وېش لړۍ پیل کړې ده.

د بادغیس ولایت د اسلامي امارت د کلیو پراختیا ریاست وایي، چې د ورلډ ویژن موسسې له لوري په دغه ولایت کې پر ۳۶۱۵ اړمنو کورنیو نغدي او غیرې نغدي مرستې وویشل شوې.

د خوړو نړیوال پروګرام په تخار ولایت کې پر ۲۵۹۳ کورنیو باندي اوړه، غوړي، مالګه او غذايي مواد وویشل.

د سرپل سیمه ییز چارواکي وايي، په دغه ولایت کې ۷۵۰۰ کورنیو ته د ټانکرونو له لارې د څښاک اوبه وېشل کېږي. د دوی په وینا، د دغه ولایت د صیاد او سوزمه کلا د مرکز او ولسوالیو اوسېدونکي له دغو خدمتونو ګټه اخلي.