د اسلامي امارت ویاند ذبیح الله مجاهد ویلي چې د رسنیو نوی قانون طرحه شوی او ډېر ژر به د اسلامي امارت د رهبرۍ له لوري توشیح شي، نوموړی ټینګار کوي چې په دغه قانون کې د رسنیو ټول اصول مراعات شوي دي.

د اطلاعاتو اوفرهنګ وزارت د نشراتو معين حيات الله مهاجر فراهي په ننګرهار ولايت کې په يوه غونډه کې وويل چې اسلامي امارت له هغو رسنيو څخه په جدي توګه ملاتړ کوي چې حقايق انعکاس کوي، خو هيچا ته اجازه نه ورکوي چې د خلکو ذهنونه مغشوش کړي او داسې خپرونې خپرې کړي د اسلامي ارزښتونو او ملي ګټو خلاف دي.

د اسلامي امارت ویاند د خبریالانو د خوندیتوب د کمیټې د وروستي راپور په غبرګون کې وايي چې په هیواد کې د رسنیو د فعالیتونو په تور خبریالان نه دي نیول شوي.

د تبیان د ټولنیزو او کلتوري فعالیتونو د مرکز د جوړېدو له ۳۱مې کلیزې په رارسیدو سره، په کابل کې یو شمېر ځوانان او محصلین وايي، چې د تبیان مرکز د جوړېدو په درېیو لسیزو کې ستر فکري، کاتوري او علمي کارونه ترسره شوي دي.