د کابل والي وايي، په لاس کې يې داسې اسناد شته چې ښيي په افغانستان کې د داعش ډله د امريکا متحده ايالات له ملاتړه برخمنه ده او دغه ترهګره ډله د دغه هېواد له خوا روزل کېږي.

د افغانستان لپاره د ایران سفیر او ځانګړي استازي حسن کاظمي قمي ویلي دي چې امریکا او د انګلستان په ګډون متحدین یې په قطعي ډول د داعش ملاتړ کوي او دغه سیمه یې تعقیب کړې ده.

د افغانستان په چارو کې د روسیې د ځانګړي استازي ضمیر کابلوف له څرګندونو وروسته چې په یوه کال کې په افغانستان کې د داعش ترهګرې ډلې د غړو شمېر درې چنده شوی، د اسلامي امارت ویاند ذبیح الله مجاهد په یوه ټویټري پیغام کې دا ادعا رد کړه او ویې ویل: دا اټکل له حقیقت څخه لرې دی.