د کابل ښاروالۍ ریاست چارواکي وايي، سږ کال له داخلي عوایدو څخه د ۵ ملیارده او ۲۴۰ میلیونه افغانیو په ارزښت ګڼې پروژې پلې شوې، چې په کې د سړکونو د جوړولو، د سړکونو د اسفالټ کولو او داسې نورو چارې شاملې دي، چې ځینې یې بشپړې شوي او پاتې نورې هم روانې دي.

کابل ښاروالۍ د ۱۴۰۱ لمریز کال د کابل ښار د زرغونتیا لپاره د نیالګیو اېښودلو بهیر پیل اعلان کړ او ویې ویل چې په نوي کال کې به په کابل ښار کې ۶۰۰ زره نیالګي کېنول شي.

د کابل ښاروالۍ مسوولین وايي، په پلازمینه ښار کې د څلور میلیارد او ۸۱۲ میلیونه افغانیو په ارزښت د سړک جوړونې، د څلورلارې د ښکلا، ګلدانونو، ترافیکي نښانونو او د سړکونو د نښه کولو په ګډون شاوخوا ۱۸۱ پروژې تر کار لاندې دي.

د کابل ښاروالۍ وايي، د دې رياست له لوري په ځينو ځايونو کې ډېری هټۍ وال ځای پر ځای شوي، خو د کابل ښاروالۍ له لوري يو شمېر ګرځنده ګاډیوانان چې د ترافيکو د ګډوډۍ لامل ګرځي، راټول شوي دي.