د جوزجان د افغان-ترک ښوونځي د تایلنډ د اولمپیاډ علمي سیالي وګټله

افغان غږ خبری آژانس - بلخ: د جوزجان د پوهنې ریاست وايي چې سږ کال د تایلنډ د المپیاډ علمي سیالۍ په انلاین ډول ترسره شوې چې په ترڅ کې یې د څه باندې ۴۳ هېوادونو زرګونو زده کوونکو برخه اخیستې وه.
 
محمد طاهر جواد؛ د جوزجان د پوهنې رييس د دې په څرګندولو سره چې په دغو سياليو کې د افغان-ترک ښوونځي زده کوونکي وتوانېدل لومړى مقام خپل کړي، وويل: دوى به د رياضي په برخه کې دوه د سرو زرو، يو د سپينو زرو او ١٤ د برونزو مډالونه وګټي.
 
د جوزجان د پوهنې رییس احمد مبین په حواله؛ د افغان-ترک د هلکانو د لېسې يوه زده کوونکي، چې په دې سيالۍ کې يې د سرو زرو مډال وګاټه، وويل، چې دوى غواړي په دې سياليو کې، چې په انلاين ډول ترسره شوه، د افغانستان نوم ځلانده او خپله وړتيا وښيي.
 
ښاغلي جواد په دې خبرې سره چې زده کوونکي په خپلو استعدادونو سره کولای شي د علم او حکمت له لارې افغانستان معرفي کړي، وویل چې د امید دغه کړکۍ به تلپاتې وي.
 
هغه زیاته کړه: د نورو محصلینو د هڅولو ترڅنګ د دغو علمي سیالیو پیلول د افغانستان لپاره لوی ویاړ دی.
 
دجوزجان ولايت دپوهنې رييس وويل: دغه سيالۍ په ساينسي برخو کې دهغوى دلاسته راوړنو پيلامه نه وه . بلکې غواړي په نږدې راتلونکي کې د علومو د سترو مرکزونو په ایجاد او جوړولو سره نور ویاړونه ترلاسه کړي.
 
محمد مجاهد; دجوزجان ولايت دفوايد عامې رييس او سرپرست دغه راز په دغو سياليو کې دزده کوونکو برياليتوب دافغانستان په ټولو خلکو پورې اړوند وباله او ويې ويل : دغه ډول سيالۍ بايد په پرله پسې ډول په لاره واچول شي څو دنورو زده کوونکو د استعدادونه او وړتيا  پراختيا ومومي.

هغه زیاته کړه: "اوس مهال افغانستان ډېر داسې نوښتګر ځوانان لري، چې که فرصت ورته پیدا شي، په ساینسي پوهه به نړۍ ننګوي."
 
په همدې حال کې عبدالمنان خلیل؛ په جوزجان کې د افغان-ترک ښوونځي مشر وايي: د دې ښوونځي زده کوونکي وتوانېدل چې د تايلند د المپياد په علمي سياليو کې د سرو زرو، سپينو زرو او برونزو مډالونو په ګټلو سره د افغانستان د خلکو په نوم وياړونه وګټي. "
 
په همدې حال کې د هېواد د ښوونځي زده کوونکي له شته ستونزو او د پوهنيزو برخو له کمښت سره سره په دې وتوانېدل چې څو ځلې د نړيوالو او سيمه ييزو المپيادونو په علمي سياليو کې لومړى مقام خپل کړي.