د اسلامي امارت د ویاند د مرستیال په وینا، د افغانانو د سترې غونډې د جوړولو پلان لا نهايي شوی نه دی او کار روان دی. د نوموړي په وینا، د پلان له بشپړېدو او د اسلامي امارت د رهبرۍ له منظورۍ وروسته به د غونډې نېټه اعلان شي.

په بلخ ولايت کې يو شمېر کارګر ماشومان وايي، چې ښوونځيو ته تلل؛ خو د بې وزلۍ او اقتصادي ضعف له امله نه شي کولى خپلو زده کړو ته دوام ورکړي او په راتلونکي کې غواړي چې زده کړه وکړي او خپل وطن ته خدمت وکړي او له چارواکو غوښتنه کوي چې د هېواد اقتصاد ته وده ورکړي څو ماشومان کار ته اړ نه شي.

د نورستان ولایت په ځنګلونو کې اورلګېدنه په داسې حال کې دولسمې ورځې ته داخله شوه، چې د عامو سرچینو په وینا د اسلامي امارت د مسؤلینو له څرګندونو سره سره تراوسه د اور د اړولو لپاره کوم پلاوی نه دی راغلی. ويل کيږي چې تر اوسه پورې د دغه ولايت له ځنګلونو څخه څه دپاسه ٢٠٠ جريبه ځمکه سوځول شوې ده.

د هېواد په شمال ختيځ کې د تخار پوليس وايي، په تالقانو کې يې اته تنه د جنايي جرمونو په تور نيولي دي.

نورستان کې د اسلامي امارت چارواکي وایي، د دې ولایت نورګرام ولسوالۍ په ځنګله کې د اور مخه نیول شوي.

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.

د سرپل امنیتي چارواکي وايي، د مولوي مهدي مجاهد د ځواکونو ترمنځ؛ د بامیان د استخباراتو د پخواني رئیس او د «اسلامي امارت» ځواکونو ترمنځ نښته شوې؛ خو تلفات یې نه درلودل.

جرمني کې یوې محکمې د سه شنبې په ورځ مې ۳۱ (غبرګولي ۱۰) د تاجکستان پنځه تنه اتباع د اسلامي دولت له یوې کړۍ سره د روابطو له امله چې په جرمني او بهر کې یې د ترهګریزو بریدونو پلانولو کې لاس درلود، په زندان محکوم کړل.

د اسلامي امارت د صنایعو او سوداګرۍ وزارت مرستیال پرون (سه شنبه د جوزا ۱۰مه) د ایران د اسلامي جمهوریت د سړکونو او ښار جوړونې وزارت له چارواکو سره په کتنه کې د سوداګریزو اړیکو په پراختیا او د سرحدي زیربناوو په پیاوړتیا ټینګار وکړ.