په دغه ښار کې د هوا د ککړتیا د زیاتوالي په اړه د یو شمېر کابل ښاریانو له شکایتونو وروسته، د چاپېریال ساتنې او څارنې ادارې مسوولین وايي، د ټولو لوړو ودانیو، تشنابونو او تولیدي شرکتونو د تودوخې سیسټم یې د لوګي پاکولو په وسایلو سمبال کړی دی.

د اسلامي امارت د چاپېریال ساتنې ملي ادارې مسؤلین د ژمي په رارسېدو سره وايي چې دغه اداره کولای شي د پراخو پروګرامونو په جوړولو او د کورونو، هټیو او سوداګریو په څارنې سره د هوا د ککړتیا مخه ونیسي.

ښاریانو په کابل ښار کې د ژمي د لومړۍ واورې د اورېدو هرکلی کړی، دوی وايي چې واورې ورېدو په پلازمېنه کې د هوا ککړتیا کمه کړې او خلکو ته د وچکالۍ د کمولو لپاره ښه پیغام دی، خو دوی په دې باور دي چې دا واوره د هغو کسانو لپاره نه ده د ځان ګرمولو لپاره څه نه لري.

افغان ښاريان وايي، چې اوس مهال خلک له بېلابېلو لارو زيانمن شوي، بې وزلي او بېکاري، د ژمي يخنۍ، د اومو موادو د بيو لوړېدل او د هوا ککړتيا د دې خاورې د ميليونونو خلکو اساسي اندېښنې دي.

د هوا ککړتیا په هیواد کې تنفسي ناروغۍ زیاتې کړي دي.