په افغانستان کې د ملګرو ملتونو د بشري مرستو د همغږۍ دفتر (OCHA) وايي، د مرستندویه ادارو د بودیجې د کموالي له امله به په راتلونکي کال کې ۶.۳ میلیونه تنه په افغانستان کې پاکو اوبو ته لاسرسی ونه لري.

د ملګرو ملتونو د بشري مرستو دفتر (OCHA) وايي، په افغانستان کې ۱۴ میلیونه وګړو ته د پاکو اوبو رسولو لپاره ۴۷۹ میلیونه ډالرو ته اړتیا ده او په ۲۰۲۲ کال کې د څښاک پاکو اوبو ته د کورنیو اړتیا ۷ سلنه زیاته شوې ده.

د سرپل ښار د مرکزي سیمو اوسیدونکي د څښاک د پاکو اوبو له نشتوالي شکایت کوي او وایي: هره ورځ د چشمه شفا اوبه په عامه پایپونو کې دوه ساعته راشنه کیږي او په ځینو مواردو کې د بریښنا د نشتوالي له امله هم اوبه لاس ته نه راځي.